Дзень беларускага пісьменства

21 верасня 2019 г. у Берне з нагоды Дня беларускага пісьменства, традыцыйна адзначаемага на Беларусі ў верасні, адбыўся творчы вечар знакамітага беларускага пісьменніка і гісторыка Уладзіміра Арлова.

Падчас сустрэчы адбылося знаёмства з творчасцю майстра беларускай гістарычнай прозы. Уладзімір Арлоў падзяліўся гісторыяй свайго жыцця і творчымі планамі, зачытаў урыўкі з сваіх паэтычных і празаічных твораў.

Сярод удзельнікаў мерапрыемства была праведзена віктарына на валоданне творчасцю пісьменніка.

Акрамя таго згодна з традыцыяй святкавання Дня беларускага пісьменства сустрэча з пісьменнікам завершылася напісаннем дыктанта па ўрыўку з аднаго з твораў Уладзіміра Арлова.